《喜》阿仙奴前年年尾為3位名宿亨利、阿當斯同埋卓文喺阿聯酋航空球場外面起銅像致敬，球會計劃喺今年夏天添食，為廠迷另一英雄伯金起銅像。伯金喺兵工廠入過無數靚波，喺03年對紐卡素嗰球可以稱之為經典中嘅經典，阿仙奴方面亦決定以佢喺當時入球前嘅一個動作，作為製作銅像嘅藍本。