【銅鑼灣名店坊】近年主力集中喺內地拍劇搵人仔嘅譚耀文，近日同米雪喺內地拍緊套古裝劇《鳳凰牡丹》。前日阿譚趁住唔使開工返香港度假，順便去咗銅鑼灣名店坊一帶掃貨換季置裝。
前日下晝5點鐘左右阿譚已經攞住袋戰利品四圍遊，佢先後入咗幾間舖頭睇T恤，仲專吼減價貨，又問店員意見，可惜都搵唔到心水，最後去到一間美國品牌嘅時裝店至買到心頭好。出嚟嘅時候阿譚見到記者仲好有禮貌打招呼，佢話趁放假嚟買嘢行街喎！
採訪、攝影：梁繼光
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/