曼聯下個禮拜二會喺主場同皇馬進行歐聯16強次回合，佢哋領隊費格遜趁球隊周中冇比賽，前晚特登飛過西班牙，親身入魯營睇皇馬作客對巴塞場西盃4強次回合。費格遜開波前鬼咁輕鬆，仲同皇馬高層布達堅奴雞啄唔斷。但佢睇見C朗喺魯營威風八面，協助皇馬淘汰巴塞入決賽後，相信喺嚟緊幾日都唔會笑得出，勒令紅魔兵認真備戰。