巴塞球員公認好戲，但去夏由華倫加盟嘅西班牙左閘佐迪艾巴，唔知係咪喺魯營嘅日子尚淺，所以啲演技好屎。話說佢喺上半場同皇馬後衞艾比路亞埋完牙後倒地，仲揞住塊面，而且狀甚痛苦；但從慢鏡所見，艾比路亞根本掂唔到佢塊面，球證馬蘭高亦冇俾佢呃到；而皇馬後衞沙治奧拉莫斯仲埋嚟寸佢，叫佢快啲起身。