楊千嬅下月投入新片拍攝，近期積極減磅大玩健身球。她昨日為老公新公司搞的活動站台，性感露玉背，「志明」余文樂和吳雨霏（Kary）撻着，千嬅開心祝福31歲的樂仔找到另一半，更笑言不怕《春嬌3》會換角，由Kary頂上。
楊千嬅、王馨平和無綫藝人林漪淇昨日在尖沙嘴出席美容中心活動，千嬅老公丁子高新公關公司前日才正式開幕，昨日活動即益老婆。
Fans罵戰冇計
千嬅穿上露背連身雪紡裙，看來消瘦不少，她說：「係呀，因為要開工，所以要搏命減肥，大約3、4月開始拍。」問她可會捨不得囝囝，她說：「今次喺香港拍，媽咪會幫手湊住，都OK。」最近有否見余文樂？千嬅即取笑說：「佢唔得閒喎！」樂仔和吳雨霏拍拖，她說：「我冇睇呀，如果佢哋拍拖，梗係開心啦，樂仔都30幾歲。」雙方粉絲掀起罵戰，千嬅謂fans需要時間接受。
至於杜汶澤指樂仔暗戀Kary七年，千嬅就不相信，更認定是杜汶澤talk show吹水。志明戀愛了，春嬌是Kary，問千嬅不怕《志明與春嬌》第三集會被換角，由Kary頂上？千嬅即說：「唔驚，可能阿樂都唔想拍呢，新年到𠵱家都未見到佢，想派利是畀佢都唔得。」
王馨平八卦
同場王馨平就八卦樂仔戀情：「日日都有follow，上網追睇，不過就冇聯絡佢，藝人拍拖，係比較有壓力，冇辦法。」
採訪：顏英儀
攝影：陳慧安
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/