港股腸胃炎未完，落場玩，隨時俾人玩，冇嘢做翻雜誌，有篇訪問近日爆紅的執業大律師，呢位仁兄準備好早前接受訪問的影片和雜誌不特止，還奉上生活照及中小學成績表，連記者也忍唔住寫了句「一度誤以為見工面試」，當下差點把口中的咖啡噴出來！
家陣見工，公司推薦信和portfolio都有排睇，有時公開考試成績也懶看，再者，請人和投資一樣存在風險，往績並不代表將來表現。若果攞咸豐年的成績出來曬，有兩個可能：一、你冇自信；二、你都覺得自己冇料到。
從讀書到工作，能由頭帶到落尾的人不多，公司業績keep住唔走樣，難過女人keep住塊面冇斑，而走晒樣的公司多如恒河沙數，好似上市一年發兩次盈警的克莉絲汀（1210）、上市僅個半月即發盈警的東吳水泥（695）。用粗口表示氣忿是詞窮的表現，是時候要看電影《林肯》中總統夫人Mary Todd，學吓甚麼是罵人的最高境界！
Samantha
本欄逢周一、三、五刊出