昨天早上到茶餐廳吃早餐睇報紙，電視播着新聞，畫面見到公民黨梁家傑，他表示有兩名雍澄軒買家向他投訴。聽見「雍澄軒」三個字，沙膽虹馬上豎起耳朵，鄰座幾圍枱亦不約而同抬頭凝聽。「咁多錢嘅人都咁戇居。咁嘅嘢都買。」茶客A說。
「輸咗又出嚟大喊十。呢啲人抵佢輸死，幫佢出頭做乜？」同枱茶客B搭嘴。
沙膽虹問靜態組記者，原來兩位雍澄軒買家向梁家傑投訴，請求協助，是講明不要公開給傳媒；而周日報警的買家，對採訪的記者亦凶神惡煞，不准記者拍攝，還聲言會告誹謗。沙膽虹心諗，這些衰貪心的買家，見長實拆售的酒店盤較毗鄰住宅便宜一成，唔理三七二十一，就飛撲入去，諗住有得炒，怎料財爺出招，雙倍釐印兼摩貨都要付釐印，摩唔出要上會又唔易搵律師銀行，惟有報警及找公民黨幫忙踢契，尋求甩身。
輸打贏要仍然這麼惡死，這些人應該受教訓，唔抵幫！
沙膽虹