《信報》特約評論員練乙錚早前寫咗一篇題為〈誠信問題已非要害 梁氏涉黑實可雙規〉嘅文章，激到狼英唔會顧破壞言論自由、自製政治炸彈，向《信報》發律師信。捲入風波嘅練總，曾經回應過話實情係「梁振英律師信誹謗我」。唔少人都好關心練總點睇呢件事，正喺日本教書嘅佢，咁啱會係3月返一返香港，仲即刻把握時間為香港記者協會開壇，想同傳媒人喺輕鬆環境下討論時事。
練總開壇，一向係收視保證，據聞短短一個鐘，已有十幾位行家報名，由於名額得45個，睇怕今日應該會爆滿，唔知練總會唔會考慮加場呢？