編按：是日由盧主席秘書Joycelyn執筆。
香港人生活富裕，對於很多人來說，每年搭幾次飛機去旅行是等閒事，而幼年子女亦能同享，煩惱的是飛去邊個地方度假或遊學而已。不過，對於社會上的低收入家庭，搭飛機卻是一個遙不可及的「夢想」。
上周末，一班義工有機會帶着50戶來自低收入家庭的殘疾兒童，飛往台灣，讓他們首嘗空中飛行的滋味。當中有部份是智障人士，亦有自閉、唐氏和腦癇症，全部小朋友、包括陪同的父母都是第一次搭飛機。
引擎起動，向前滑行，機頭仰起，航機升空。連番起飛的動作，已是見怪不怪，我識得好多人，包括自己，一上飛機就會呼呼大睡，養足精神，一落機大玩特玩。對於許多殘疾孩童來說，升空的過程卻是非常陌生。
剛起飛一刻，便有小朋友怕得揚聲大哭，有的更驚到咬着媽媽衣領不放。此時義工團中有一男士突然唱起《夢中天使》（長腿叔叔），接着便是《魔法咕嚕咕嚕》，還有唔係我嗰個年代嘅兒歌，佢應該係見慣呢啲場面，失控的小朋友終於回復平靜，也跟隨和唱。
在飛行的過程中，事事新鮮的小朋友不時冒出「點解啲雲喺飛機下面嘅」、「嘩！下面架船好細呀」等類似劉姥姥入大觀園的驚嘆。同機有些乘客若不知就裏定覺得不可思議︰「咁點入學呀？」但我聽到的，卻是小朋友完全純真的反應，真的不枉自己凌晨4點離開溫暖被窩並參與其中，為他們創造一份難得的體驗。當飛機安全着陸的一刻，機上充滿掌聲和天真爛漫的笑聲。
與殘疾兒童遊台 玩餐飽
說來慚愧，這是本小姐與殘疾兒童相處之「初體驗」。為免方寸大亂而花容失色，無知的我出發前還是google一下與他們相處之道。紙上談兵，都是皮毛之說，網上的知識到頭來全用不着。人與人的相處其實好簡單，不外乎傾偈、握手、搭膊頭，又或不過係合照。只要你付出真心，願意踏出第一步，他們十分樂意與你親近。因為從來make friends的金科玉律，就是用心溝通。而隨手話題可以係：「金剛靚仔啲定係林峯靚仔啲」（因為有個小朋友一時話同佢玩到癲晒嘅主席係金剛，轉頭又話似林峯），「你今日開唔開心」（個個都係答好開心）。
他們的外貌以至表現雖與常人略有不同，但和他們相處，完全不用計較和造作，舒服簡單。而小朋友的回應也直接得很，不斷熱情地向你揮手打招呼，送貼紙送飛吻，又會讚吓我都似某某明星。童叟無欺，不管你信不信，反正我和主席都信了。當天，我帶着歡愉的心情和九張比卡超神獸貼紙從台回家。這種快樂，比過往只會瘋狂掃街喪食來得更滿足及真實。
Joycelyn