安妮夏菲維（Anne Hathaway）憑《孤星淚》以大熱姿態贏得奧斯卡最佳女配角，粉絲拍手之餘，股神畢菲特旗艦巴郡嘅股東亦可能好高興，事關外國有人做過統計，每逢安妮曝光率增加，巴郡股價都升。點解？咪因為安妮個姓同巴郡（Berkshire Hathaway）一樣囉。
據統計，2008至2010年期間，每逢安妮有戲上畫，巴郡當日股價至少升0.4%，原因可能係部份程式交易系統將Hathaway相關消息放落程式入面，係好嘢就買巴郡，刺激巴郡股價造好。安妮今次攞獎，新聞鋪天蓋地，如果呢個假設屬實，Hathaway近日一定逼爆呢類程式系統。噚晚美股一開市，巴郡就升0.6%。