女人係麻煩嘅動物，而「長期失戀」嘅女人，可以話係世上最惡搞嘅生物。所謂「長期失戀」，即係那種已甩拖一年半載，情傷久久未癒之餘，仲長期苦口苦面，日夜同你呻「我空虛、我寂寞、我凍」的人。
或者因為太就腳，呢類人如果朝早喺中環附近返工，夜晚好多時都會喺蘭桂坊出沒。有時獨個兒坐在酒吧，叫一杯cocktail，喝兩口，托住下巴凝視杯中物。冷不防拿出手機，或影酒杯或自拍，再上載至facebook，加一句「在想你」、「想忘．但忘不了」。
當呢類似是而非嘅post長期出現時，再好嘅朋友，見你屢勸不改都會唔耐煩。失戀都要生活，日蒲夜蒲自甘墮落，不容一刻寂寞，長期沉溺心碎感覺，搞到自己不似人形，趕客之餘自己更停滯不前，何苦呢！
酒入愁腸愁更愁，拿出耳筒，苦戀情歌歌詞聲聲入耳，然後在酒吧默默垂淚。各位小姐，醒吓啦！咪以為自製音樂襯底，自己就係MV女主角吧！
Fifi
本欄逢周二、四刊出