朱咪咪前晚在紅館舉行尾場騷，吸引澳門猛人尹國駒（崩牙駒）的媽咪撐場，駒媽大派利是又化身粉絲合照，不知是否見到駒媽，令咪咪姐想起90歲的年邁母親，原來朱媽媽過年前曾入院，令咪咪姐十分擔心。
一連兩場在紅館舉行的朱咪咪「大吉利是演唱會2013」前晚完騷，年年過澳門賀駒媽生日的咪咪姐，前晚獲駒媽過江撐場，駒媽坐正第一行靚位睇騷，又化身粉絲用手機影相，咪咪姐也識做地上前跟她合照，接過駒媽利是後開心說：「駒媽，多謝你山長水遠嚟。」
前晚咪咪姐盡全力搞笑，但也不乏感性說：「我都有啲心灰意冷，做埋兩場要唞好耐，精神負荷唔嚟，屋企有事集中唔到，搵咁多錢做乜？我當一百萬一場，一百萬買到乜？𠵱家咪淨係買到廁所。」台上的和音也搭訕說：「買位。」咪咪姐大嗌：「啋過你！」和音即兜是車位。
憂媽咪病情
嘉賓「蘇基」古明華演繹Beyond《海闊天空》時勁走音，而金剛幫咪咪姐做「七字馬」後，廣東話不純正的他不慎爆粗說：「咪咪姐你隻腳擘到咁大，咪X引我。」嚇到咪咪姐說：「講乜咁核凸，係咪想講勾引呀！」兩人還大玩不文，咪咪姐叫金剛不要亂試會斷筋，金剛扮儍說：「嗰度唔係筋，如果嗰條斷就麻煩。」
完騷後，問咪咪姐心灰意冷是否不再開騷？她說：「媽咪過年前入院，上年佢90大壽，嗰時都OK，妹妹將感冒傳畀媽咪，一直昏迷，佢兩日前出院，𠵱家not very good，我過兩日返去新加坡，同無綫講唔再拍劇住，醫生話媽咪大年紀心臟又唔好，叫我哋有心理準備，真係好擔心。」
採訪：李珮洳
攝影：黃偉雄
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/