【劫後之路】
過去10年，彭鴻昌接觸不少沙士康復者，各人歷劫後的不同際遇令人感慨。他形容沙士好似擲骰仔，先是誰會感染？感染之後是生是死？後遺症有多大？康復路上有人進修轉行，有人組織美滿家庭及誕下四名子女；但也有人不堪骨枯折磨罹患抑鬱症，痛到極點時要亂抓藥吃。
他說印象最深刻是一名年輕女沙士康復者，疫後結婚但丈夫患癌症，兩口子再過一關擊退癌魔，妻子更三度懷孕產子，最近一次更誕下雙胞胎，「我會用神蹟嚟形容佢哋，尤其個太太沙士之後骨枯，仲可以三次懷孕，將僅餘嘅鈣質都畀埋下一代」。另有年輕康復者染疫前從事銷售工作，康復後不想被骨痛打低，其間完成碩士課程，成功轉行投身教育工作。
骨枯未必是最嚴重的後遺症，他說有患者腦部功能受影響，變得冇記性但仍然樂觀面對，「佢同我講有時冇記性到連錢都唔認得，有一次將錢放入洗衣機，俾屋企人喝止，佢仲笑住話自己啲錢多到要攞去洗」。令他感嘆康復路難行。
《蘋果》記者