保華建業（577）上周建議改名路易十三，今日又有隻羅馬集團（8072）掛牌，上市公司名真係要幾趣有幾趣。呢間公司同意大利羅馬冇關係，只係以「羅馬」品牌在港提供評估同技術顧問服務，近半客仔係上市公司，評估範圍包括天然資源、無形資產同地產。
大股東陸紀仁30歲，一上市就套現2,400萬，公司集資3,600萬。根據招股書，公司2011年已申請上市，同聯交所周旋幾年先搞掂。睇佢盤數，截至舊年3月底止全年賺326萬，跌87%，預計截至今年3月底止純利率，較舊年7月底止四個月有所下跌。究竟呢間公司前景有幾好呢？有126名投資者接咗貨喎。