狼英近來出席公開活動都對傳媒嘅提問充耳不聞，今日佢出席香港海事博物館開幕禮，更加不設採訪，傳媒只可以出席朝早嘅預展。
八方對於主辦單位呢個安排覺得相當奇怪，睇番主辦單位今個月14號發出嘅採訪通知，明明係邀請傳媒派員出席採訪博物館嘅開幕禮，但主辦單位喺18號再發通知，突然改為開幕禮不設採訪。
到底係有人突然下令，唔畀記者向狼振英發問，抑或係另有原因，因而取消採訪安排，主辦單位就冇回應啦。
至於今日開幕嘅海事博物館，係由赤柱美利樓搬到中環8號碼頭嘅新館，全館設有15個全新畫廊，門票於開幕翌日公開發售。