住宅樓宇影響民生，政府要干預，雖不一定有效，似也較容易說得過去，但干預炒舖、炒工商業樓就真的莫名其妙。
沙膽虹真的想問，關你甚麼事？金管局總裁陳德霖擔心舖位和工商物業升得太急，一旦大幅回落會影響銀行工商舖按揭貸款的質素，收緊借貸比率至四成也還說得通，但鬍鬚曾將車位、舖位、工商物業、酒店等交易，在簽訂買賣協議後，就即刻打釐印，一改過去到完成交易時才打釐印、無論中間轉多次手都不用打釐印的做法，杜絕所謂「摩貨」，就真係不明所以。
唯一解釋的就是要反擊李嘉誠拆售雍澄軒酒店項目的「挑機」所為。事關買雍澄軒項目買家，多數都係短炒，希望完成交易前就成功「摩」出，不用上身不用付釐印，賺幾十萬袋袋平安。政府見誠哥賣得咁過癮，吹佢唔脹之餘，遷怒於買家，出這兩招追殺。第一就是「摩貨」也要打釐印，而且釐印亦雙倍，與住宅樓宇看齊，這樣已落叠的買家就很難找炒家接火棒；第二就是落叠買家「摩」唔出後要上會，所以將按揭成數由五成降至四成，要買家抬多一成現金出來。
沙膽虹