無綫《2013國際中華小姐競選》昨晚在將軍澳電視城舉行，港姐張名雅代表香港出戰，合共16位來自不同地方的佳麗爭奪冠亞季、友誼小姐和明日之星大獎，司儀是曾志偉配森美和陳敏之。陳法拉、莊思敏、呂慧儀、苟芸慧和許亦妮等紛拋胸撐場，現場波濤洶湧。
眾佳麗着谷胸晚裝出場，佔主場之利的5號張名雅最性感，只有32吋半咪咪的她成功谷出5吋事業線，曾志偉問評判第一環節那位佳麗表現最差？田啟文坦言：「3號（湛雨），大家都係華姐，點解陳法拉咁靚，佢就咁差。」奧克蘭1號歐陽可心被陳敏之問到誰是世上最醜，她衝口而出，用普通話說：「9號（蔡潔），她瘦所以打我不痛。」被司儀取笑玩篤背脊。
陳法拉昨日31歲生日，她以tube dress上陣配以1,500萬鑽飾，她說：「啱啱同同事食飯，梁乃鵬博士都有嚟，佢哋知我生日都開香檳。噚晚收到爸媽心意卡，男友禮物未收到。」若男友向她求婚，她說：「唔會啩，唔好嚇我。」人妻呂慧儀的deep V喱士裝若隱若現。同樣倒奶的許亦妮說：「個個都咁靚，呢個係我終極性感。」許亦妮自爆身上閃石只是水晶，苟芸慧的胸前現紅點，她解釋是敏感。
採訪：黃曉妍
攝影：林德雄
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/