工黨噚日舉行新春團拜，順道幫主席李卓人、副主席張超雄慶祝生日。八方發現，阿人同超雄原來係同年同月生嘅戰友，不過前者就大11日，兩人齊齊過56歲生日。身兼支聯會主席嘅阿人話，年年生日願望都一樣，希望平反六四，普選快來，香港邁向民主。
至於鬍鬚雄，八方諗佢記掛住馬屎埔村被強收農地嘅村民多啲，佢近日仲搞咗個網上聯署聲援。話說馬屎埔有村民80年代開始喺嗰度耕種，養活一家幾口，不過政府要發展新界東北，新年流流喺農地張貼飭令收回土地命令，不近人情，而收到嘅地又係閒置養草，所以工黨聯署促請政府擱置收回馬屎埔官地。