「讀者回應上周＜此子可教嗎？＞張慧敏發火unfriend一大學生原因」
以下兩位讀者分別在專頁及網上報紙的留言以大比數勝出，可以請我食飯飲杯。普天同慶，今日稿費，撥捐慈善用途！
專頁：
「我覺得幾可笑，事實上好多人都唔係做番自己major嘅行業，更何況點可能去到要畢業嘅時候，先開始考慮咁基本嘅問題？如果真係對金融有興趣（我都好好奇點解呢位學生好似乜金融經驗都冇就咁肯定想做金融）最起碼應該知道自己有乜option揀，亦都應該問啲實際啲嘅問題，最起碼要知道自己嘅理想方向，再去請教專業人士點做，乜background都冇就叫人指點真係同看相冇分別，就好似Son姐幾位仔仔（科大嘅師兄）都會有自己幾個career選擇再希望其他人畀意見，其他人嘅意見應該只作參考，但係感覺上呢位大學生係想Son姐幫手決定埋，其實句『無甚麼特別』就知道呢個人真係乜都冇乜所謂，既然自己都冇所謂人哋又為乜要幫呢？」
網上：
「以下facebook對話，保證一字不漏原文照錄：
『其實我突然之間入你間茶餐廳是感到肚餓，但對於自己想吃甚麼卻有點不知道。別人會說我是人，那一定要食飯了，但我發現自己對飯卻有一點抗拒。不知為何，小時候便想做飯，但耐（奈）何成績不理想，卻在大學時煮生米。其實自己也曾煮個麵但也不及格。到了要真正肚餓的時候了，卻有點想不到自己食甚麼，望能有所指點。』
『我不會看相，又沒有水晶球，如何指點？』
『但你開茶餐廳，我的問題說得不夠明白吧？』
『你自己毫無方向頭緒，我開茶餐廳又如何？還有，那麼多人要進來幫襯，我為甚麼要幫你？』
『無甚麼特別，只是覺得你開了十多年茶餐廳，我覺得你會願意幫助一個肚餓的人。』」
張慧敏
http://www.facebook.com/HKcareerdoctor