運輸署噚日舉行新春車牌拍賣，當中唔少有「6」有「8」嘅好意頭車牌，有個唔係咁起眼嘅「RC1」，其實來頭唔細，代表「Regional Council 1」，係前區域市政局主席嘅專用車牌，00年殺局後先轉為民用。前主席劉皇發知道個牌拍賣，都話好有興趣用10萬、8萬投嚟留念。
八方噚日唔見發叔，但「RC1」競爭好激烈，底價2.8萬，有兩家由頭爭到尾，最後搶到40萬先成交。成功投得嘅男士話，係投嚟俾公司用喎。賣少見少嘅雙位數字牌「75」同「85」，分別380萬同316萬成交，創全日最高。出年就過期嘅「2013」就冇人吼被收回。