【中環】甄子丹最近忙緊拍電影《3D冰封俠》，前晚喺中環指導一場打鬥戲，王寶強同內地演員攞住本鹹書通街走，仲將個警察打到插入坑渠；另一個鏡頭就揸槍互指。子丹雖然唔使埋位拍，但佢好緊張每個細節，每拍完一個鏡頭都同導演羅永昌及蕭定一密斟。
拍完一晚通宵戲，噚日朝早子丹以大使身份去九龍城一間眼科醫院出席活動。佢話噚日係囝囝入學面試嘅大日子，不過自己疏忽冇mark假，好彩最終趕得切。子丹就唔願多提告內地導演單官司，話已進入司法程序。
採訪、攝影：陳辰、羅德光、譚倩宜
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/