杜汶澤前晚於灣仔會展舉行首次個人talk騷《咔啦騷》，開騷時有太空人被吊高，原來邀得周秀娜穿上全套太空人裝任嘉賓，阿澤更大玩不文，叫現場數千觀眾齊聲高呼吊娜姐。他又自揭欠債走佬到台灣、因外遇與太太田蕊妮感情變差等，又將亞視和李嘉誠等擺上枱揶揄一番。
杜汶澤前晚於灣仔會展舉行首次個人talk騷《咔啦騷》，開騷時有太空人被吊高，原來邀得周秀娜穿上全套太空人裝任嘉賓，阿澤更大玩不文，叫現場數千觀眾齊聲高呼吊娜姐。他又自揭欠債走佬到台灣、因外遇與太太田蕊妮感情變差等，又將亞視和李嘉誠等擺上枱揶揄一番。
杜汶澤首個talk騷《咔啦騷》前晚於灣仔會展舉行，開場時台上一個太空人吊住威吔預備升空，阿澤說：「畀個機會你吊高我，一齊嗌個吊字。」幾千名觀眾「吊」了太空人兩次。此時，阿澤行上台，原來太空人是周秀娜，他說：「估唔到可以吊周秀娜兩次呢！」娜姐反擊說：「我入後台吊高你。」阿澤回應：「俾你吊高我係我一世榮幸，你以前男友（陳偉成）帶另外個女仔上太空，我就當住咁多人落佢面，眾目睽睽帶你上太空。」
寸誠哥寸亞視
之後阿澤趁機揶揄李嘉誠並說：「大家想睇奮鬥史睇李嘉誠，佢由黐膠花做到上市公司主席，又將酒店當住宅賣。」寸完李超人就到胡錦濤，阿澤笑言：「佢聽到有人問想平反六四時硬晒，咁嘅年紀可以硬晒我都戥佢開心，有人問我會唔會返內地做呢個騷，淨係呢part都足夠俾人打靶！」下一個被取笑的是余文樂，阿澤表示：「我結婚阿樂敬酒望到個女仔，同我講『呢個咪吳雨霏，好靚女喎』，我叫佢等人大個啲先追人。」事後他解釋這部份純粹搞笑。
阿澤又提及19歲做地下賭檔欠債百萬避走台灣，返港獲亞視一個監製叫他試鏡，他反問對方說：「做明星咪俾人知我欠人錢，個監製話亞視冇人睇。呢個世界邊有做明星一世都冇人睇，只有亞洲電視本港台。」曾於麗晶酒店扒房打工的阿澤又透露遇見黃家駒與林楚麒，家駒走前拋下一句：「X都唔夠飽，要去食牛腩粉。」
自爆曾有外遇
阿澤亦有講到年少輕狂的往事，包括入亞視與跟首任老婆離婚，他說：「媾無綫啲女全世界都知，媾亞視啲女冇人知，喺亞視做啲女有番咁上吓蠢。」阿澤重提婚後與田蕊妮去夜店，飲醉的他與竹升妹激吻，阿田當時說：「杜生你好停啦，我唔會走，我走咗你就會係咁同佢打茄輪。」
有一次阿田發現老公有外遇，第三者傳短訊指掛念阿澤，完騷前他說：「去到我冇晒錢時，阿田話我仲有佢。原來只要得到一個好嘅女人就等於成功，希望男觀眾搵到心目中嘅田蕊妮，女觀眾就千祈唔好遇到杜汶澤。」訪問時阿澤指老婆不知talk騷內容，連阿田的家人都不知外遇一事。
採訪：李珮洳
攝影：陳志嵐
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/