市面上有不少退休調查，但部份結果有點以偏概全，真係要理性作分析。滙豐上周就公佈一項退休調查，指香港人預計每年平均需要43.6萬元的家庭收入，才確保舒適退休生活，較其他亞洲區受訪者平均高36%，反映港人需更周詳的理財規劃作退休準備咁話。
毛丘唔知所謂舒適退休生活的定義，對李嘉誠嚟講，肯定以億元計。撇除通脹因素，每年使43.6萬元，即平均每月36,000蚊，據統計處最新資料顯示，本港家庭平均2.9人，家庭中位入息21,000蚊，如果筆者現在搵21,000蚊，仲要養埋0.9個仔，斷唔會大想頭期望退休之後使36,000蚊，個調查有幾大代表性，真係滙豐自己先知。成份報告嘅重點，相信係滙豐想你知道「需要更周詳準備」呢句！
魯毛丘