【見招拆招】
港鐵限制乘客只能攜帶23公斤以下行李乘車，水貨客見招拆招，「變陣」改運紙盒裝奶粉。有藥房老闆爆料，有內地商人從荷蘭直接入口大量牛欄奶粉，更計算好重量，每20盒一袋直接交予水貨客，保證成功過磅，成水貨客新路數。
港鐵的行李重量限制生效後，「重秤」的鐵罐裝奶粉立即「失寵」，水貨客改捧包裝較輕的紙盒裝奶粉。記者昨到上水火車站，明顯較以往冷清，主要集散點晉科中心則繼續旺場，幾乎每5分鐘就有一批水貨客取貨離開。絕大部份水貨客手拉產自新西蘭的愛他美奶粉（Karicare）和產自荷蘭的牛欄奶粉（Nutrilon），兩款產品均是每盒900克紙盒裝。
計好重量逐袋拎走
紙盒裝奶粉「受寵」，除因重量較輕，更因有內地客源支持。有藥房老闆指，很多內地人的子女出國讀書，知道牛欄奶粉受英國人歡迎，「覺得外國人都飲嘅就係好嘢囉」。因為愛他美奶粉和牛欄奶粉沒有香港代理商，有內地商人遂從荷蘭大量訂購，經香港進口，「唔可以直接運返內地，咪運嚟香港先，再搵同鄉幫手搬上去」。他們更安排專人在彩園路附近的一幢工廈內分配奶粉，「計好晒重量，包好一袋袋，有人嚟就直接拎走一袋，仲會畀5蚊10蚊扮買嘢」。
雖然還有不足10日，奶粉出境限制便生效，每名成人只可攜帶不超過兩罐共1.8公斤奶粉出境，但上水多間藥房職員均指未見有內地人趕尾班車「搶奶粉」，甚至有回落趨勢，「有好多買開嘅客都話以後唔會嚟，話香港人搞咁多嘢好麻煩，覺得我哋囂張」。
《蘋果》記者