光宇國際（1043）係最平嘅電池股，加埋網上遊戲分部，市場估值可以好豐厚，有得諗。光宇最新NAV 4.96元，現價（2.81元）企喺三年大低位，PB得0.56倍。場內相近的電池股天能動力（819）兩倍PB，超威動力（951）PB 1.8倍，光宇平咗一大截。又集團透過聯營發展網上遊戲，喺2011年度，呢個項目已經幫光宇賺咗上億銀，再喺2012年半年度，網上遊戲純利再增長30%，到5,000萬銀人仔。光宇應佔聯營權益，上到46%。而家陣網上搞作，市場估值可以高到冇譜，呢壇製作若果透過市場資本化，光宇NAV增值，隨時不得了。Before that，當電池板塊買，追落後，光宇翻半番到4蚊，未有耐追到同業PB水位。
海王集團殘到爆
海王集團（070）星期四派半年成績表。而喺集團呢個半年度期間，濠江博彩毛收入超過1,500億銀，增加81%。又喺今年1月及本月頭17日，呢項收入亦增加7.3%及6.8%。大行報告嫌少，但老老實實，增長相當唔錯，海王中介人業務，繼續有運行。而集團經呢期一跌，得番兩倍PE，殘到爆。博海王翻半番到0.24元，唔係好過份。
錢雋