史雲斯領隊米高勞特立之前都喺溫布萊踢過兩次，兩次都贏波，所以呢度可以話係佢嘅福地。83年，佢代表嘅丹麥國家隊喺溫布萊贏咗英格蘭1:0，到92年，米高勞特立代表巴塞隆拿踢歐冠盃決賽，結果又以1:0贏咗森多利亞捧盃，佢話好希望喺溫布萊第3次贏波。相比米高勞特立獲獎無數，巴拉福特領隊柏堅遜球員時代就麻麻，最勁都只係踢過雷丁。