湖人班主畢斯上周五已經落葬，球隊亦為咗兌現拜恩早前話「入季後賽冇問題」嘅承諾而再上路。紫金軍團同日主場對爭入季後賽對手之一嘅拓荒者，拜恩真係着晒火，全場轟入40分，助球隊以111:107力挫對手；好似向早前話湖人應該放棄佢嘅小馬班主古賓示威咁。球會同日都有出聲明，話小馬班主言論不當，不過就會交畀聯盟自行決定點罰古賓喎。