【本報訊】沙士疫情高峯時，03年4月27日，滙控股價跌至81.75元，人稱「媽打」、時任民政事務局常任秘書長的李麗娟為沙士忙透近兩個月後，打算到滙豐「撈底」，卻看見銀行職員因染沙士的同事病逝飲泣。結果，媽打撈底不成，卻肩上幫助遺屬、孤雛的重任。
記者：姚國雄
李麗娟打算「撈底」那天，沙士已奪走121條香港人命，逾百家庭頓失依靠。已不知多少天沒放假的李麗娟，那天決定「唞唞氣」，走到滙豐入市，誰不知銀行內的氣氛，比外面的更沉重。
「我嗰日見到幾位職員圍埋喺度喊，喊到眼都紅晒，我問佢哋做咩事，原來佢哋同事Eva死咗。」Eva懷孕期間感染沙士，離世當日剖腹產子，餘下任職九巴的丈夫及一子一女。
職員知道媽打曾幫助八仙嶺大火倖存學生，問她可有方法。「媽打，我知你籌款好叻，唔知你可唔可以幫吓佢哋籌款？」媽打一口答應。事有湊巧，李麗娟同日接到時任社會福利署長林鄭月娥來電，提議發起「護幼教育基金」，援助因沙士失去父母的兒童成長至18歲。籌款一呼百應，多得前財政司司長梁錦松同月宣佈最多退稅3,000元，籌款目標本為1,000萬元，超額籌得8,000萬。
派人教用衞生巾
10年來，75位孤雛獲基金扶持成長，26位已大學畢業。基金辦定期聚會和每半年寫一份報告，跟進孤雛成長路，如今最小的如Eva的兒子郭翔星，下月便10歲；年紀最大的已脫離基金幫助；有人成為小提琴家，有人投身社會工作，有些移民離港，有些獲基金資助留學，脫離喪親陰影，「始終都喺單親家庭成長，呢班小朋友成長會有問題。其中有個女仔，因為冇咗媽媽，13歲時變得好反叛，佢爸爸搞佢唔掂，我哋建議佢去外國，3年後回來，真係脫胎換骨。」不想被標籤，媽打代他們婉拒多個訪問。
沒有媽媽的，基金要派人教孤女用衞生巾；沒有爸爸的，就要協助身兼父職的媽媽變得更堅強，閒時送她們演唱會門票，驅走孤獨感。「呢個基金唔單止要護幼，唔係好似𠵱家啲基金派咗錢就算，係要全方位幫晒成個屋企。」還有8年，基金便完了護幼的任務，「始終唔可以養佢一世，唔能夠當佢哋係悲劇人物咁呵護十幾年。」
