近年電影與詠春關係似變得密不可分，談及電影《一代宗師》很直接便聯想到關鍵人物如葉問、李小龍、王家衛及梁朝偉等，其實還有一位早於60年前便在人生中串連起電影與詠春的淵源人物，他是過去幾年教授偉仔詠春，並是一代宗師葉問的私授門徒梁紹鴻（Duncan）師傅。
撰文：馬建華
談到電影《一代宗師》，梁紹鴻師傅大讚王家衛導演很有心和熱誠，從未見過一位如王家衛令他佩服的導演，每個鏡頭導演都問清楚他的動作，要求甚高。拍攝前，Duncan師傅親授梁朝偉詠春，而他的囝囝梁達弘也幫手教授，並有份演出。
對於偉仔習武水準，Duncan師傅說：「佢好有潛質，悟性好強，好多人學功夫係徒弟教師傅，覺得自己學識幾招就叫師傅再教新招，偉仔從來都冇，加上詠春主要係理論，佢聽完都吸取到，到最後佢根本係從心而做出嚟，入型入格。」對於偉仔先後兩次受傷斷手，第一次是偉仔以手擋腳，不慎硬吃死力而斷手，另一次是一名武師從高處跳下，偉仔以手擋架而受傷，他說：「詠春唔係鬥死力，加埋嗰次位武師後生唔夠經驗。」Duncan師傅表示每場戲大家都展現武術的真正精神，不枉他跟足每一場打鬥。
李小龍天台決鬥
Duncan師傅自小醉心武術，7歲已對各家各門的功夫感興趣去習武，當中詠春是他學武的轉捩點，緣起李小龍，他說：「李小龍同我表姐好熟，13歲嗰年我成日跟表姐睇拍戲。有日李小龍同我講話學咗詠春三個月，當時我唔知詠春有幾犀利，咪話大家對打吓。」不出幾招Duncan師傅便被李小龍打中，年少氣盛即時要求轉到天台再戰，結果亦然，他二話不說就要李小龍代求見葉問。面對一代宗師，Duncan師傅應葉問要求展示耍家的功夫：「當時我自己同自己打，不停出力去打，跟住葉問問我係咪想學詠春，叫我返去拎八蚊交學費，我話𠵱家有錢，跟住葉問叫徒弟立刻開壇練功。」
葉問上門親授
拜師數月，Duncan師傅不時出外跟人切磋功夫，每次都獲勝而回，但他心知實際上是落敗：「旁觀者睇我打到對方甩牙同流血以為我贏，其實我肋骨斷咗同受傷冇人見到啫，返去同師傅講詠春冇用，師傅反問我打架時一心想贏，結果咪贏咗囉，仲冇用？」葉問分享武術真理說：「學功夫唔係點去打人，係要點唔俾人打到。」解釋過後葉問再問Duncan師傅還有沒有錢，自此親自上門私人教授，而當時學費是數百元，可謂天文數字，Duncan師傅笑說：「我都係問屋企人拎，呃阿媽話搵到外國人補習。」獲葉問上門親授，Duncan師傅深明詠春理論，但每次都要避開母親在家。
學會詠春後，有否再跟李小龍切磋，Duncan師傅表示不久後往澳洲留學，李小龍則專心拍戲，在對方離世前曾數度見面，每次都大談在電影及美國發展的事，而Duncan師傅在葉問離開後，運動細胞有如突然減退。80年代起他受聘於美國海軍海豹隊（U.S. Navy Seals），現已退休近十年，近年主要經營有關化學生意。
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/