歐陽震華和關詠荷（娥姐）主演的無綫劇《情逆三世緣》昨日繼續在電視城開工，無綫方面表示Bobby於下月6日左右復工，原定大隊將到佛山取景，但現時計劃有變，Bobby先在港拍攝，出發佛山外景的日子將押後。對於Bobby出院，娥姐笑稱Bobby出院後已致電她報平安，她說：「報咗平安喇，不過佢暫時未開得工，拍埋今日我哋會休息，𠵱家暫定3月先同Bobby一齊再開，不過唔會拍咁密，要睇佢身體狀況，暫時仲有七組廠景，應該每日拍一組。」
對於佛山拍外景延遲，娥姐說：「係押後一個月，應該4月5號先出發，因為《On Call 36小時II》係跟我哋個廠，所以佢哋齣劇都有延誤。」娥姐又指Bobby肺部已OK，但因身上有多處曾插喉，故傷口需時復原。會否為他舉行慶祝派對？娥姐笑說：「佢只可以飲水咋噃！問吓佢太太睇吓佢有乜食得啦！」至於朱晨麗則希望對方早日歸隊，屆時會為他斟茶遞水。另好友蔡少芬在微博打氣說：「好番啦！看到你和老婆相抱，我也（喊）了！」
採訪、攝影：譚倩宜
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/