【跑馬地→香港仔】樂隊Mr.主音布志綸（Alan）跟富家女友Sally自2010年結識後，其間曾經因為捲入三角戀而惹上官非。不過是非過後兩人感情轉趨穩定，近日Alan在女友督促下跑步健身，要盡快脫離排骨行列。前晚兩人運動完後買壽司外賣回家，溫馨撐枱腳。
現年32歲Mr.主音布志綸2010年跟家族從事玩具生意的富家女30歲的Sally交往，不過當年他們在相識兩個月送女方回九龍塘寓所時，就被一名自稱是Sally未婚夫的男子撞破，更指稱「有人搞我未婚妻」，桃色新聞鬧上法庭，不過最後雙方和解。Alan跟Sally自此便拍拖至今，不時見到兩人出雙入對非常甜蜜。
做完運動買壽司
前日有讀者報料指Alan跟女友Sally一身運動裝現身跑馬地馬場，似乎是相約去運動，記者於晚上7時許就見到Alan跟女友由馬場的田徑道離開，兩人同樣一身黑衣黑褲，毫無疑問是情侶裝打扮，一樽水更一人一口非常親密。
Alan與Sally徒步行到停車場取車，女方先坐在司機位旁，Alan就到後座換衫，之後才返回駕駛座位，他們在車上閒聊了5分鐘才開車離開。其後Alan駛到西環一間壽司店，Sally獨自下車入內點菜後便返回車內同男友傾偈，大概15分鐘後Sally再次落車攞壽司，然後Alan載女友返回自己香港仔薄扶林花園寓所，Alan先讓女友下車自己將車泊回停車場，才上樓跟女朋友撐
Alan昨日透過電話回覆記者承認前晚跟女友去做運動，他說：「同女朋友去咗跑步同打籃球，因為佢嫌我瘦要我練大隻啲同健康啲。」被問到女友一同返回住所是否同居時，Alan說：「唔係。」
採訪、攝影：梁繼光、楊浩賢、黃曉程
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/