「牛下女車神」李慧詩（Sarah、左），香港時間今日凌晨出戰場地單車世錦賽女子500米計時賽，同11名車手一決高下，宿敵、中國嘅郭爽冇參加呢個項目，加上唔少對手都欠大賽經驗，令Sarah成為奪標熱門，有力繼黃金寶、郭灝霆之後，第3位穿上彩虹戰衣嘅港將。近日唔少傳媒都發電郵同打IDD畀身在白俄羅斯嘅Sarah做訪問，令總教練沈金康（右）好緊張，擔心愛徒會壓力太大，嗱嗱臨寫咗封電郵畀傳媒，希望佢哋「放過」Sarah，如果想做訪問，可直接搵沈教練，的確係用心良苦，希望Sarah能夠以平常心參賽，有好成績啦！至於首次參賽嘅港隊18歲新星梁峻榮，喺男子1公里計時賽踩出1分5秒078，19名選手之中排第18。（now676台周六3:00am直播）