澳門基本法紀念館噚日由全國人大常委會委員長吳邦國主持開幕禮，賭王何鴻燊太太梁安琪都有捧場，但跟住佢嘅澳博隨從就提早走人，留低何太自己一個人慢慢逛。
紀念館展出澳門基本法頒佈20年以嚟嘅文獻、書畫同歷史性相片等。四太拿住相機四圍搵「老公」，原來係想睇睇有無賭王嘅相，雖然只係搵到一千零一張，賭王喺1999年3月28日、出席澳門基本法頒佈八年系列活動嘅剪綵相，但四太已經好心滿意足，仲話一定要翻攝返畀賭王睇，希望可以帶賭王參觀紀念館㖭。問及今個農曆新年，澳門賭場整體似乎無預期咁理想，四太話OK啦，整體都算唔錯嘞。