兩日後，渣打馬拉松2013正式開跑！拼勁加意志，固然是跑手們精神支柱；至於要玩追拍的攝影發燒友，技術一樣唔少得，今日請來大會攝影師Brian Ching教路， 他精選了比賽路線的三大攝影靚位，事不宜遲，快拿起相機，周日齊來Go！Go！Go！
記者：陳國輝 攝影：劉永發、黃子偉
揀Canon 機速快
參與「渣馬」拍攝工作多達十年的Brian，1995年入行，在1998年更曾遠赴歐洲，影英超、歐聯等重要體育賽事：「拍攝馬拉松這類大型賽事，大概可分『Sport Action』和『Sport Feature』兩類，前者是捕捉跑手動態，後者就屬於微細事情，例如運動員熱身、拼命時的肉緊表情，還有啦啦隊、圍觀途人的吶喊助威、歡呼聲等！」
「器材方面，一部單反相機、一支100-300mm長炮以及Wide鏡，肯定唔少得！」Brian建議，就算帶腳架，也應該選用單腳那種，勝在轉身容易：「我會帶兩部單反，包括Canon 1DX和5D Mark III、一盞閃燈，以及五支長中短鏡頭！」他解釋，選用Canon主因，是兩機均為Full Frame機，開ISO 1600都無雜訊問題，而且速度快、對焦準，好適合拍攝動態影像；至於閃燈，主要是拍攝起跑才會用；而長中短鏡頭則用來影Wide Shot和Close Up等不同場合使用。
後簾燈 拍動感
即使Research過每一個拍攝靚景，並有副靚架生，但如果技術欠奉，也得物無所用！Brian的攝影心法是「後簾快門落閃燈」，玩法正如Pan車那樣，可令到主體清晰之餘，背景又見到高速移動的效果，極富動感。
至於拍攝看起來很簡單的大直路，也別以為隨便亂拍就得：「影大直路時，最好避開周圍的雜物，以防畫面太雜亂，同時不妨開大光圈拍攝，令背景矇矓一點，效果就更想理。」
另外，當日天氣可能比較濕熱，他建議拍友最好帶備毛巾和水才出發，以免中招。
姚潔貞Like厚薄適中
提起「渣馬」長氣袋，別一面倒想起非洲肯雅職業跑手！現職白衣天使的姚潔貞，也分別在2011、2012年，奪得半馬拉松組別冠軍！
講到致勝心得，當然少不了勤力練習，注意均衡飲食；不過大家更想知道的，是這位長跑天后日常練習或比賽落場，所穿戴的「致勝」裝備！
「正式比賽或平時練習，我都一定會穿運動背心和短褲，原因是可令身體負擔更輕，又方便排汗和散熱；選襪方面，亦最好穿以前着過的，因為新襪容易增加磨擦，令足部受傷。」
跑鞋方面她尤其注重，「鞋身不宜太薄和太厚，最好揀硬度與厚度適中的設計，輕身之餘，最重要具備良好的緩震效果。」聽完高人指點，能否提升個人成績？那不得而知，但穿戴合適，起碼對對健康及落場表現有正面幫助。
阿Dick愛Garmin 210
經常參與馬拉松賽事的阿Dick，除了跑過七屆「渣馬」以及「中國沿岸馬拉松」兩大盛事外，就連韓國、台灣、泰國的馬拉松比賽也絕不放過，可以說國際比賽經驗相當豐富！他最佳紀錄為3小時01分左右，還差1分鐘，便完成「Sub-3」的夢想（即3小時內完成馬拉松）。
經營手機生意的他，原來還喜歡使用隨身電子裝置來輔助練跑：「當練習或比賽時，我會戴住隻Garmin 210手錶，雖然這不是最新型號，但功能有齊GPS導向，還可量度心跳；而最吸引的原因，是由於這款運動型手錶準確性高，而且非常慳電。」阿Dick話，這隻手錶已用了三年，算是比賽重要裝備之一。
跑手利器推介
專業推介三大拍位！
渣打馬拉松2013 起跑時間
霸頭位、影靚仔，梗係要預早起身！以下提供各項賽事起跑時間，記住看準時間，帶齊架生落場！
馬松拉：06:40（挑戰組）／07:10（1組）
半馬拉松：06:00（挑戰組）／08:30（1組）／09:10（2組）
十公里：05:30（挑戰組）／06:00（1組）／06:30（2組）／07:00（3組）／07:30（4組）／08:00（5組）
半馬輪椅：05:30
三公里輪椅：06:30
查詢網址： http://www.hkmarathon.com/
a. Nike（2895 5668）
b. Polar（2119 5500）
c. http://www.garmin.com
d. Capdase （3628 7500）
e. Denon（2516 6862）