郭晉安、田蕊妮、麥長青和黃翠如等昨日在無綫將軍澳電視城為李艷芳新劇試造型，在無綫多年的安仔第一次為新劇剃頭，他說：「可能我好少拍清裝，以前拍都係黐頭套，唔知點解𠵱家咁認真。」安仔表示年假跟家人到新加坡旅行，早前他跟太太歐倩怡因為大仔的升學問題搞到要分房瞓，他笑說：「冇喇！去旅行焗住一間房，因為新加坡酒店好貴，同埋𠵱家冇嘢喇！咪聽老婆話，佢話事，乜都等佢搞。」
田蕊妮第一次做女狀師，她表示最近在家經常練口技，她說：「我練一個人口技，希望到時講對白可以更流利。」黃翠如新造型被指核突，十足河童，她說：「我細個都曾經剪過呢個頭。」
採訪、攝影：楊潔雯
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/