市傳法國皮具名牌LV計劃加價保持品牌地位，LV係強國人至愛品牌之一，相信加價無損內地銷情，否則，LV喺新地（016）上海ifc個舖，都唔會三年翻新兩次，落重本等人有新鮮感。
新地租務總經理馮秀炎有「Mall界一姐」之稱，成日中港兩邊走睇商場，上海ifc商場係新地內地重點商場之一，唔少二、三線城市居民會去上海濕平，令佢更加重視。
Mall姐話，以前上海ifc大年初一都冇乜人去幫襯食肆，今年大年初一就好唔同，部份食肆居然大排長龍。好似話，裏面間LV都諗住整間咖啡店，等客人行到攰，坐陣再血拼，不過十劃唔知有幾多撇。