想知道阿爺驚乜，睇佢啲看門狗有乜動靜就知。新晉九西之友掌厲魂入咗立法會之後氣勢如虹，為撐狼英怒踩天下男人冇記性；女人心胸狹窄，同區嘅鼠王芬（圖）當然唔會甘心被比下去，蟄伏一輪之後前日終於出招，大鬧港大法律系戴耀廷嘅佔領中環方案走火入魔，仲用埋逼中央「攤牌出動解放軍」言論，務求奪回「最佳護主神犬」嘅席位，用心良苦。
鼠王芬先話戴耀廷嘅方案令佢好難過，話對方公然呼籲市民故意犯法，係逼中央「攤牌出動解放軍」，冇考慮有人會因為行動而「犧牲」，「佢一定要個啲希望正常工作、進行正常商業活動嘅人，被逼停落嚟諗吓佢哋提議嘅民主方案……於是乎就要逼中央攤牌出動解放軍，點解要咁做？點解要將談判桌完全摧毀？」之後佢仲引述巿民話恨返工恨到發燒，好擔心中環俾人堵塞咗之後返唔到工，唔知點算。