（怒）涉及世盃外圍賽同埋歐聯等賽事打假波案件，又有新進展。意大利警方喺周四拉咗一個相信係同新加坡假波集團有關嘅人。警方發言人聲明話，呢位叫蘇積嘅31歲斯洛文尼亞人，係主動由新加坡飛去意大利自首。呢位仁兄自從喺上年年尾開始在逃，意大利方面查緊喺09至11年嘅一系列假波案件，據講同佢都有關，𠵱家暫時收柙監房。