康文署早前的調查顯示年輕港女偏瘦、不做運動，令患上高血壓或出現低心肺耐力風險增加。身邊女性朋友大多不做運動，寧願食少啲也不願流汗，最有恒心反是已五張的家母，這位打工煮飯洗衫一腳踢的「十項全能」主婦，每周都跑步，最佳回報體現在身體檢查，骨質密度如30多歲般年輕。
她的恒心當然感染Samantha，每周最少一次郁一郁，除了消滅多餘脂肪，更重要是endorphin成癮，不做會情緒低落。但本人只是城市裡的一隻工蟻，時間上太多身不由己，等如早已「私有化」嘅水，要飲就要畀錢一樣，要「健康」只好幫襯健身中心，上月中環路邊監測站空氣污染指數高達150以上，你敢跑街嗎？
唔好以為健身中心好似賣水咁暴利，經濟差打工仔time cost冇咁高，健身中心死得越快，世衛資料顯示，金融海嘯後歐洲健康產業支出佔GDP比重下降了2%，而當時美國最大的Bally Total Fitness，更曾申請破產保護，好陰公㗎！
Samantha
本欄逢周一、三、五刊出