（哀）新官上任死晒火。喺恩斯執教後嘅首場比賽，黑池繼續頹，作客以0:2輸咗畀列斯聯。自從艾普頓喺1月過檔布力般，黑池搵咗成個月先請到前英格蘭國腳恩斯番嚟教，同佢寶貝仔湯馬士恩斯拍住上，相當有話題性！周四，佢哋兩仔爺首次拍檔，老竇企喺場邊督師，仔就喺場上衝鋒陷陣，但作客攻唔入列斯，仲俾對手嘅諾里斯同史提芬摩利臣各入一球，最後輸0:2。