【本報資料】周日田草十場賽事用B跑道，天文台預測當日天晴，估計場地掛牌為好地。
跑法：今季兩次田草B欄賽均大利內叠馬，以最近1月27日為例，當日八場轉彎路程賽事，當中七場由一至五檔馬勝出，其中「智勇福駿」一放到底，另外「牛精好友」、「好好計」及「好主意」則守前領馬之後貼欄包廂位建功，可見抽中內檔又具前速之馬匹最值得優先留意。至於當日兩場直路賽分別由14檔「碧科」及13檔「鷹之團」勝出，第一及第五場同程捧W宜向外檔馬埋手。
馬匹：今戰第二場「智勇福駿」上仗正是於1月27日田B欄一放到底開齋，勝後又等番同一移欄相同路程再上陣，排七檔而內側快馬唔算多，重施故技可添食。此外，第八場「牛精好友」前仗在田B欄守好位贏馬，今次抽四檔可再次守包廂位賺形勢，交回上仗僅負「紅衣巨龍」之水準足夠坐位望贏。