【銅鑼灣利園】彭羚自從嫁咗畀林海峰後，專心做好人妻呢個角色，舊年彭羚出山為黃偉文作品展撐場，雖然好多人要求佢復出，但彭羚完全不為所動，甘心將全副心神奉獻畀屋企。
除超傾偈
前日下晝4點幾，廿四孝媽咪彭羚帶兩個囡囡去銅鑼灣利園high tea，8歲嘅細女林清越大越似老竇，個樣成個鬼靈精咁，林清邊行邊食朱古力餅，似乎好肚餓。戴黑超嘅彭羚打扮低調，攞住兩袋戰利品企喺度揀蛋糕，本來身形嬌小細粒嘅彭羚，從背面睇pat pat又圓又潤，似乎生完兩個女後身形都變咗。
彭羚同兩個女坐低食蛋糕，佢仲除咗黑超同囡囡有傾有講，期間鬼靈精林清發現有人影相，眼仔睩睩咁望住記者，三母女食咗半個鐘就走，大女林泳去咗上補習班，彭羚就開車同細女林清返屋企。
採訪、攝影：楊浩賢、陳辰
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/