【澳門直擊】上周情人節越洋收到男友黃曉明送紅玫瑰的Baby，即時忘掉繁重工作，抖擻精神，謂要自強才配得起對方。Baby昨日在澳門出席活動時，主持一對情人求婚環節，但Baby表示暫時工作為先，男友就算現在求婚都不會答應。
昨日在澳門出席《水舞間》演出一千場慶祝的Angelababy，完騷後跟台前幕後工作人員齊齊謝幕，更被表演者的軟骨功嚇一跳。穿上紅裙的Baby，之後在台上見證一對情侶的求婚過程，Baby看到大為感動，又向幸福情侶送花。
唔恨公開求婚
2月出生的Baby，自認是浪漫的人：「頭先嗰種求婚局面，係冇得say no，我冇諗過，都唔會奢望（咁公開求婚）。」她續說：「低調嘅浪漫，我會自在啲，由細到大，好似都曝光喺公眾面前。」新年時她赴紐約看時裝騷，戴着卡地亞情侶手鈪，可惜一對情人分開過，幸好收到男友黃曉明送上紅玫瑰，𠱁得她即時心動表示要努力自強，才配得起男友。
Baby甜絲絲複述：「係喺紐約，瞓覺瞓到一半時，突然經理人敲門，話有人送花嚟。」男友常送驚喜？她說：「唔知呀，之後都一路工作，冇補祝。」她自命浪漫，問她做過甚麼浪漫事，她只肯說：「我係幻想型嘅浪漫，行動力好差，讀書時試過手造朱古力畀男仔，但送出時已經溶咗。」
下月內地拍戲
自言現時要用心工作的Baby，將來才可以享受拍拖及玩，如果男友此刻求婚，可會接受？Baby即說：「呢刻嘅話，唔會答應。」更透露工作多多，排到3月底，休息幾天後又要返內地拍三個月戲。
採訪：盧妹
攝影：陳俊強
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/