踏入蛇年冇耐，無綫新聞部就有唔少喜事，唔少高登仔好like嘅女主播羅若安，就唔怕今年係盲年，鐵定3月9日同《星島》高層拉埋天窗。據聞呢段情緣，種於羅若安喺《星島》做編輯嘅時期，所以都算結束一段愛情長跑，相信呢個消息，會令唔少男粉絲好失望。與此同時，無綫男主播彭國柱亦有好消息，最近就喺芬蘭，向任職空姐嘅靚女女友成功求婚。睇見彭國柱手上求婚用嘅一堆紅玫瑰，證明佢處事認真唔是但；據聞佢哋拍拖三年幾，計劃出年結婚。八方都在此恭祝呢兩對有情人可以甜甜蜜蜜，幸福快樂。