【未知之數】
本港過去多次有海外足球勁旅訪港比賽，都有掀起撲飛潮，但最終隊中的球星或主將多數「甩底」或休戰，勁旅只以「殘陣」應戰，令球迷大失所望。曼聯7月訪港，以甚麼陣容出戰仍是未知之數。
正選勞累變後備
去年7月，英超勁旅阿仙奴訪港友賽傑志，兩隊雖然在四萬名球迷眼前大演入球騷，以二比二握手言和，但當時的阿仙奴隊長尹佩斯、新兵普多斯基、基奧特及路斯基等主將均以不同原因未能來港，令賽事星味大減。
香港球迷已不是第一次「失望」。09年8月，英超勁旅熱刺訪港，與本地班霸南華踢表演賽，南華最終贏二比零。不過，熱刺多名主力包括京治、戴臣及活基治等中堅因傷缺陣，另多名正選也因疲勞而退居後備，令比賽大為失色。
05年7月，紅魔鬼曼聯也曾經訪港與港隊踢表演賽，主力之一的C朗拿度因父親抱恙未有隨隊來港，球隊未能全數球員出戰，雖然當時隊中球星朗尼、雲尼斯達萊及傑斯都有上陣，但均留力只出戰上半場，令比賽變得美中不足，曼聯只以二比零小勝港隊，當時甚至有球迷提早離場表示不滿。
《蘋果》記者