中國情人節又到啦，新地旗艦商場apm趁周日元宵節，噚日起一連五日喺場內舉辦「囍結良緣珍藏展」，展出清朝至今過百件雙喜珍品。八方對清朝囍字肥皂盒同暖手爐最感興趣，因為會令人想入非非，莫非嗰陣啲人咁開放，情侶會一齊用暖手爐取暖，甚至共用肥皂盒沖涼？此外，仲有囍字火柴盒、暖壺及雙喜球板，好易勾起港人集體回憶。 其他展品包括四十年代嘅囍字玻璃糖果罌、囍盤、囍盒、囍餅模等一系列中國傳統婚嫁喜慶物件。
