開始前，先向近日因病離世的湖人班主畢斯講聲：「Thank you for making the league so much fun！Rest in peace！」
有朋友在畢斯博士去世新聞一出後就找我，並問：「家產點分？邊個做新班主？占畢斯同珍妮畢斯係咪真係不和？」受到一堆問題轟炸，小弟第一反應亦算頗大：「你霎戇！你有睇開ESPN，人哋咪講到明唔會賣湖人，同埋會6兄弟姊妹一齊揸fit囉。同埋叫咗你唔好成日剩係睇港劇㗎啦，𠵱家你估做緊《溏心風暴》咩？玩爭產、權鬥不和呀？」這位朋友才如夢初醒，並甚為不好意思地指自己不知道畢斯原來有6名子女。
占畢斯及珍妮畢斯這對兄妹高層，一主內一主外，可謂相輔相承。可能真的有不和，但外人很難知道；不過以6兄妹一致表決不會出售湖人一事，就會明白就算二人真有不和，也止於小事上面。老畢斯一世機關算盡，早就安排好身後事及二人分工；多年湖人一直相安無事就是最大證據。就因為一次占畢斯寧選迪安東尼作新帥，不用準妹夫積遜一事，就即時被煲大成兄妹權鬥鬧不和，足證了部份人喜愛睇人折墮、鬧交的港劇心理是何等幼稚。
畢斯一代傳奇，創新的管理手法成就湖人王朝，更助今日職業聯賽的成長。與其有時間去討論畢斯一對仔女有沒有不和，不如花點時間去回顧這位偉大班主傳奇的一生，從中學習一點人生道理吧！
利司基
《蘋果》球評家