唔好成日覺得班明星只係掛住拍戲同扮靚，佢哋做起善事嚟真係好團結齊心，好似谷祖琳同谷德昭創辦嘅香港思覺失調學會，佢哋嚟緊會成為受惠機構，因為百仁基金將會喺4月21日搞個「BE HERO！」慈善馬拉松，到時籌到嘅善款會捐畀香港思覺失調學會，所以百仁基金早前邀請吳彥祖、梁漢文、劉心悠同劉浩龍等藝人影相宣傳。
粉墨登場
成班藝人為咗行善，都唔介意化到個妝鬼五馬六，好似劉心悠化咗個艷妝，一反清純look仲挺胸㖭；準爸爸吳彥祖亦暫時拋低懷孕愛妻Lisa S.擺甫影相，成班人都係想做好下星期二（26日）舉行嘅慈善相展，宣傳慈善馬拉松，特別係谷祖琳，又要照顧BB，打理屋企又要兼顧香港思覺失調學會，認真辛苦。
撰文：洪紅克
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/