隔牆有耳:<br>陳日君出山  城大開講反釋法 - 李八方

隔牆有耳:
陳日君出山  城大開講反釋法 - 李八方

喺香港呢個妖氣沖天嘅地方,想做個普通巿民都難,天主教教區主教陳日君樞機退咗休幾年,本來退隱搞中國教會嘅事,但到關鍵時刻老人家都忍唔住要講番幾句。邊個咁有本事逼到81歲嘅陳伯出山?之唔係提出要釋法嘅律政司司長袁國強。
講到釋法,陳伯14年前已經因為居港權事件同當時做入境處處長嘅葉劉淑儀開拖;早排聽見袁國強個建議,加埋梁愛詩開腔力撐,即時怒火中燒,公開鬧詩姑誤導公眾,用「釋法」嚟包裝修正法例「唔老實」;嚟緊星期五,陳伯、李柱銘同中大崇基學院神學院副教授龔立人會一齊去城大講反釋法,詳情可致電2560 3865查詢。