歐陽震華（Bobby）大年初二報稱急性肺炎送院搶救，經過連日的診治後，情況好轉，昨日他在醫院檢查時首度現身，問到現時的情況和何時出院？Bobby舉起OK手勢，中氣十足地說：「過幾日啦！」不過其經理人Lydia稱因Bobby吊鹽水的針位部位痛，故明日應不可以出院。
針位痛押後出院
Bobby經理人Lydia昨探望Bobby後，稱明日應該不可以出院：「Bobby隻手喺吊鹽水個針位部位痛，所以今朝落咗去檢查。」吳啟華約在五時到醫院探Bobby，他說：「佢好精神，我都有叫佢唔好飲咁多，不過佢係病人，都知要小心飲食，識得節制加上有太太照顧，大家唔使擔心。」啟華續說：「我都唔知佢係咪真係鍾意飲酒，可能係早期拍劇太辛苦，飲酒飲多咗，初初知佢入咗ICU都好擔心，最緊要佢𠵱家冇事，都鬆一口氣。」吳啟華爆Bobby仍懂講笑，稱可客串為《On Call 36小時Ⅱ》做病人，證明他已沒事。
此外，謝天華前晚到沙田出席賀歲片《2013我愛HK恭囍發財》的新春團拜，他透露大前日與Bobby通電話：「佢好番就逐一打畀朋友報平安，我梗係被佢嚇親，要食驚風散，叫佢下次唔好食咁急同飲酒，佢話要休息三、四日先出院，等佢休息吓先，公司開工唔係人咁品，一陣過多兩、三日又話個心有事就弊。」
採訪：魯萍、楊潔雯
攝影：黃偉雄
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/